‘A LEGGE.

SI ASPIETTE ‘A LEGGE, CHELLA E’ NA RUFFIANA

CA SENTE SULO ‘ADDORE D’A MANGIANZA;

E, QUANNO S’E’ ABBUFFATA BBONA ’A PANZA

TE PROJE PE’ ZETELLUCCIA NA PUTTANA.

E TU, COMM’O BATTAGLIO ‘E NA CAMPANA,

HAIE VOGLIA ‘E SFRENNESIA CU PITOLANZA;

CCHIU’ VUO’ ‘A RAGGIONE E CHELLA CCHIU’ TE SCANZA:

PO’ TE FA LL’ANGARELLA E S’ALLUNTANA.

E’ INTANTO ‘A LEGGE, CHESTA MALA CANA

CHE T’HA ‘MBRUGLIATO ‘O GGIUSTO INT’A VALANZA,

STA ANNASCUNNUTA ‘ARETO ‘A PERSIANA.

E ‘A LLA’ TE DICE ‘E NUN LASSA’ ‘A SPERANZA:

MENTRE TU SAIE CA SI T’ASTREGNE ‘A MANA,

GIA’ TENE PRONTA L’ARMA CA TE SPANZA.

RAFFAELE VIVIANI.